Ravi ka haath jaise hi us darwaze ke handle par gaya… uska dil zor-zor se dhadakne laga.
Andar se fir wahi awaaz aayi…
"Mat kholo… warna sab khatam ho jayega…"
Par iss baar Ravi ne himmat ki.
Usne dheere se darwaza khol diya…
Krrrrrrr…..
Darwaza khulte hi andar andhera hi andhera tha. Jaise roshni waha kabhi thi hi nahi.
Ravi ne apni torch jalayi… aur jo usne dekha, uske pair tharr gaye…
Room ke beech me ek kursi thi… aur us par koi baitha hua tha.
Par uska chehra andhere me chhupa hua tha.
Ravi ne dheere se bola,
"Kaun… kaun hai waha?"
Achanak woh aadmi hilne laga… aur dheere-dheere apna chehra upar uthaya…
Ravi ki aankhen phat gayi…
Woh chehra… Ravi ka khud ka tha!
Bilkul uski tarah… wahi aankhen… wahi chehra… par uski aankhon me ajeeb sa andhera tha.
Dusra Ravi hansne laga…
"Main tera sach hoon… jisse tu bhaag raha tha."
Ravi darr ke piche hat gaya,
"Nahi… yeh mumkin nahi!"
Dusra Ravi khada hua… aur bola,
"Yeh ghar koi aam jagah nahi… yeh tere dimaag ka darwaza hai… aur yeh aakhri darwaza… tere sach ka."
Achanak room ki deeware hilne lagi…
Aawazein tez hone lagi…
"Sach se bhaagoge… to khud se kabhi nahi bach paoge…"
Ravi chillaya…
"Mujhe bahar jana hai!"
Dusra Ravi zor se hansa…
"Ab bahar ka koi raasta nahi… kyunki tu pehle hi andar aa chuka hai…"
Achanak torch band ho gayi… sab kuch andhera…
Aur jab roshni wapas aayi…
Room khaali tha.
Na kursi… na koi aadmi…
Bas ek sheesha (mirror) tha…
Aur usme Ravi ka reflection… dheere-dheere muskura raha tha…
Par Ravi khud nahi muskura raha tha…
Read next part...