Itne me door ki bell ring hua, tink tonkkkk tink tonk tink tonk..... Jo vo ekdum se chilla raha tha khamosh hokar TV chalu kar diya full volume me, me ab bhi bed ke niche chupi huyi thi, vo apne apko sawara Baal thik kiye suit sahi kiya or niche jakar darwaza khola safety chain lagakar.
Police: ye chillane ki awaaz kaha se aa rahi thi darwaza kholo hame talashi Leni hai....
Kidnapper: vo me or meri wife tv program dekh rahe the usme horror scene chalu tha ( smile ke saath)
Police: hmmm..... Ladki ki photo dikhate huye... Is ladki ko kahi dekha hai ??? Ye pichle 15 dino se gayab hai....
Kidnapper sochta hua " IS POLICE WALE KO YAHA KA PATA KISNE DIYA HOGA" naa mene is ladki ko kabhi nahi dekha or sir ap hame disturb kar rahe hai ap jaiye yaha se...
Police ki awaaz sunkar me bed ke niche se bahar aayi or bhaagte huye darwaze tak pohchi ( DIL ME EK UMANG AAYI KI AB ME YAHA SE BHAAG NIKLUNGI) itne me us kidnapper ne mera mu jorse daba diya , me just door ke piche khadi thi usne mera mu ase dabaya jaise vo mujhe maar hi dalega.....
Me chillana chahti thi magar meri awaaz fir dab gayi 😟
Police ko Shaq hua ki ye insaan darwaza kyu nahi khol raha or is baar jorse dhamkate huye kaha darwaza kholo Varna tod dungaaa...
Me mann hi mann me sochti rahi kash vo police wala ander aa jaaye kash vo ander aane ko jidd pe ade rahe😖😖
Police wala bade gusse me dekh raha tha usne fir gun nikala or kaha darwaza kholo Varna ander aa jaunga...
Kidnapper ne badi shatir tarike se jawab diya....( ME OR MERI WIFE IS WAKT KUCH PERSONAL CHIZE KAR RAHE THE.....
MERI WIFE IS WAKT BINA KAPDO KE HAI)
maaf kijiye me darwaza nahi khol sakta..
Vo police wala ye sub sunkar vaha se chup chap chala gaya.....
Ekdum se vo kidnapper ne mere mu se apna haath hataya or gusse bhari nazro se mujhe dekhne laga or usi door par muje tikaya or mere gaalo ko jorka pakda or kaha dobara kisi ke saamne aayi to maar khaogi... Me dard se chikh bhi nahi paayi,,, vo badi berahmi se mere gaalo ko marod diya tha .
Fir upar wale kamre me chala gaya
Me usi darwaze se tik kar khadi, apne gaalo ko sahlane lagi 😖😟 or rone lagi....
Muje vaise bhi akeli rahne ki adat thi to is gharme me bilkul bhi bor nahi ho rahi thi...
Me sochi vo kidnapper bhi meri hi tarah akela tha or me bhi or muje kahi na kahi vo meri tarah laga.
Me usse baat karne ka decision li
Upar wale kamre me gayi me dhire dhire sidiyo ko chadte huye upar pohchi , vo kidnapper bed pe thaka haara so Gaya tha.. use bilkul bhi hosh nahi tha , me uske saamne jaakar chutki bajayi vo fir bhi nahi utha, mene decide ki aj yaha se bhagne ka...
Me jaldi se niche Wale kamre me gayi or darwane kholne ka try ki , sub windows open ki magar window se bhagne ka koi rasta nahi tha subme jaali lage the lohe Wale , me main darwaze ki taraf gayi vaha dekhi to taala laga tha....🥲 Mera Dil chaknachur ho gaya me darwaze se sir lagakar kuch minute akhe band karke vahi tik gayi, karib 5 minute baad me piche mudkar dekhi vo kidnapper mere piche khada tha 😳. Me ekdum shock ho gayi dil tham gaya dimag band pad gaya ki ye itni gahri nind se kaise uth gaya ( kya isne mujhe bhagte huye dekha) ???
usne kaha raat bohat ho gayi hai so jao.
Me bina kuch kahe apne bed par jakar so gayi..... Me aj bhi confused hu ki me yaha kyu hu or is kidnapper ko mujse kya chahiye...
Vo bhi apne upar wale kamre me jakar so Gaya.
Kariban 2 baje muje ek behad darawana sapna aaya me chikh kar uthi or rone lagi.. mere chikh se vo jaldi se niche aaya or mere pas baith gaya or kaha tum thik ho??? Kya hua sapna dekha or mere baalo ko thik karne laga , mera Rona fir bhi band nahi ho raha tha , usne bina der kiye mujhe gale se laga liya or baalo ko sahlane laga...
Kuch der baad jab mera dar kam hua , mene khudko uski baaho me paayi , ye sub mere saath pahli baar ho raha tha , ek uncomfortable or awkward moment dono tha mere liye or kuch alag ahsaas ho raha tha 😳 mene jaldi se use apne se dur ki or boli ab me thik hu apka shukriya , dil mera engine sa tej chal raha tha, ek confused sa dimag ho gaya tha ki ye kya hua achanak abhi abhi , mene sub kuch andekha kiya jaise kuch hua hi na ho or mene use kaha ap jaiye shukriya... Muje nind aa rahi hai.....
Usne muje ek nazar dekha or chala gaya sone.
Such kahu me raat bhar so nahi paayi dil me ajib si bechaini ho rahi thi ( saari feelings ka mixture ho raha tha )
Ekdum se acha feel karti , thodi der baad ekdum se bohat bura feel hota,
Bus raat bhar yahi sochte , raat kat gayi.
Subah huyi vo jaga hua tha, usne breakfast banaya tha or kaha ise khalo tumhe aj ghumane le chalunga, magar thodi der baad kuch sochkar usne mana kar diya ki nahi Jane do tum isi gharme thik ho .
Shayad use bharosa nahi tha mujpar ,or ye sahi bhi tha ager me bahar gayi to me bhag niklungi , ek anjaan insan ke saath rahne se acha hai me apne beraham ghatiya mata pita ke saath rahu 😬
Mene sochi pahle me us kidnapper ka bharosa jitungi fir ghumne ke bahane bhaag niklungi.
Bor ho rahi thi , sochi aj ka lunch me banaungi halaki apne gharme mere dhusht mata pita mujse hi saare kaam karwate the
( Bartan, kapde, jhadu, etc ) magar me khana banana nahi janti thi.
Fir bhi koshish karne me kya hi jayega 😷, to shuru karte hai ajka lunch Reviva ke sang.
Lunch me me jo bana rahi thi uska naam mujhe bhi nahi pata tha 🤣 bus jo jo chize available thi me daalte gayi kadai me or pakate gayi aalu bhindi gajar mosambi hehe,,, bus ab lunch taiyar tha mene table sajai or plate lagadi , thodi der baad vo kidnapper Aya or saja hua table dekhkar , dekhta hi rah gaya, me dining table par baith gayi or uske baithne ka intezaar karne lagi.....
Vo hath mu dhokar aaya or mere bagal wali chair par baith gaya or kaha ( YE SUB TUMNE BANAYA???) Vaise ye dish ka naam kya hai ???
Mene kaha naam ap rakh dena , mene bus kuch acha banane ki koshish ki hu😍
Usne khane ki plate se ek niwala khaya or ruk gaya....
Fir Jo hua.....
To be continue 💝