Room No. 13 ke andar sannata chhaya hua tha। Darwaza apne aap band ho chuka tha, aur andhere ke kone me chamakti do aankhen ab bhi un dono ko ghoor rahi thi 👀☠️
Nikhil aur Simran ek dusre ke bilkul paas khade the। Unki saanse itni tez chal rahi thi jaise poora kamra unki dhadkan sun raha ho।
Tabhi Simran ki aankhon me aansu bhar aaye।
Wo dheere se boli—
"Nikhil… ye awaaz meri didi Riya ki hai…"
Nikhil ka dil ek pal ke liye ruk sa gaya।
"Kya? Lekin tumne to kaha tha wo paanch saal pehle gayab ho gayi thi!"
Simran ne kaanpte hue sir hila diya।
"Haan… aur ye awaaz main kabhi nahi bhool sakti…"
Andhere me khadi parchhai dheere-dheere unki taraf badhne lagi 👻
Har kadam ke saath floor se ठक… ठक… ठक… ki awaaz goonj rahi thi।
Nikhil ne jaldi se apne phone ki torch on ki 🔦
Roshni padte hi unke saamne safed kapdo me ek ladki nazar aayi।
Uske lambe baal chehra dhake hue the, aur pair zameen ko chhoo bhi nahi rahe the ☠️
Wo dheemi awaaz me boli—
"Simran… tum wapas aa gayi…"
Simran ka gala bhar aaya।
"Didi… aapke saath kya hua tha?"
Achanak blackboard khud hilne laga।
Chalk hawa me uthkar likhne lagi ✍️
"MUJHE KISI NE BAND KAR DIYA THA…"
Nikhil ne dare hue pucha—
"Kisne?"
Agle hi pal board par doosra naam ubhar aaya—
"PRINCIPAL…"
Dono ke chehre ka rang udd gaya 😨
Tabhi room ke piche rakhi purani almari apne aap khul gayi।
धड़ाम!
Ek purani diary zameen par gir padi 📖
Simran ne kaanpte hue haath se diary uthai। Cover par bada sa naam likha tha—
RIYA
Usne diary ka pehla page khola।
"Aaj principal sir ne mujhe raat ko Room 13 me bulaya hai।
Mujhe ajeeb darr lag raha hai…"
Nikhil ne doosra page palta।
"School ke neeche basement me kisi ke rone ki awaaz aati hai…"
Simran ki saanse aur tez ho gayi।
"Basement? Hamare school me basement bhi hai?"
Nikhil kuch bol pata, usse pehle Riya ka saya achanak unke bilkul paas aa gaya 👻
Usne dheere se apni ungli floor ki taraf uthai।
Nikhil ne torch niche ki।
Floor ki ek tile par khoon jaisa laal nishan bana tha 🔴
Us par likha tha—
"KEY"
Simran ne jaldi se tile hatayi।
Andar ek purani chabi rakhi thi 🔑
Jab Nikhil ne use uthaya, poore kamre ki lights ek saath blink karne lagi ⚡
On… off… on… off…
Aur har blink ke saath Riya ka chehra aur darawna hota gaya।
Achanak bahar corridor me kadam ki awaaz aayi।
ठक… ठक… ठक…
Nikhil ne darwaze ke chhed se bahar dekha।
Principal sir corridor me khade the 😨
Unke chehre par ajeeb si muskaan thi।
"Bachcho… andar kya kar rahe ho?"
Simran ka rang udd gaya।
Riya ka saya Nikhil ke kaan ke paas aaya aur dheere se bola—
"Ye chabi basement ki hai…"
Ek pal ke liye sab kuch chup ho gaya।
Phir usne agla sentence kaha—
"Aur meri laash bhi wahi hai…"
Nikhil aur Simran ke pairon tale zameen khisak gayi ☠️💀
Darwaze ka handle dheere-dheere hilne laga।
Principal bahar se darwaza kholne ki koshish kar raha tha 🚪
"Darwaza kholo… warna bura hoga…"
Riya ka saya andhere me gayab hote hue fusahkar bola—
"Agar sach jaana hai… to aaj raat 12 baje basement me aana…"
To be continued… 👻☠️