Ye kahani real life se inspired hai
Mai ek chote se gav ki ladki hu, Jaha sapne dekhna to aasan hai lekin unhe poora karna bahut mushkil hota hai.Hamara gaav chota sa tha, Jaha zyada suvidhaye nahi thi, lekin logon ke dil bahut bade the.Mere papa ek kisan the.Wo din rat khet me mehnat karte the taki hum Charon bhai bahan achhe se padh sake.
Hum do bahan aur do bhai the.Ghar ki aarthik halat zyada aachhi nahi thi, lekin papa ne kabhi Hume mehsoos nahi hone diya.Main bachpan se hi padai me bahut tej thi.Har sal apni class me first aati thi.
Jab bhi result aata tha, papa ki aankhon me ek alag si chamak hoti thi.Wo hamesha kahte the,
"Meri beti ek din kuch bada zurur karegi."
Unki ye bat mere dil me bas gayi thi.Main bhi andar hi andar ye than chuki thi ki mujhe apne papa ka sapna sach karna hai.
Lekin zindagi hamesha asan nahi hoti.Ek din jab main 5th class me thi, meri maa achanak bahut bimar pad gayi.Ghar ka mahaul ekdum badal gaya.papa pahle hi itni mehnat karte the, ab unhe maa ki dekhbhal aur ghar ke kharch ka bojh bhi uthana pad rha tha.Maine pehli bar apne papa ko itna pareshan dekha.Unki aankhon me thakan aur chinta saf nazar aati thi . Lekin phir bhi unhone kabhi hamari padhai nahi rukne di.Wo kahte the,
Chahe kuch bhi ho jaye, tumhari padhai kabhi nahi rukni chahiye "
Maa ki tabiyat dheere dheere aur kharab hoti gayi.Main school se aane ke baad ghar ke kam me maa ka hath batane lagi or papa ke sath khet ka kam karne.chote bhai- bahan ka bhi dhyan rakhti thi. Kabhi kabhi thak jati thi, lekin jab papa ka chehra yaad aata, to phir se himmat aa jati.
Samay beetta gaya aur maine apni padai par pura dhyan diya.Maine sapna dekha ki main kuch aisa karungi jisse apne pariwar ki halat sudhar saku.12th pass karne ke baad maine polytechnic ka form bhara.Ye mere liye ek bada kadam tha.
Form bharte waqt mere hath thode kaap rahe the.Dimag me Kai sawal chal raha the.
" Kya main Safal ho paungi?
Kya main apne papa ka sapna pura kar paungi?
Lekin fir maine khud se kaha,
Agar koshish nahi karungi, to kabhi nahi jaan paungi."
Maine din rat mehnat ki kabhi bijli nahi hoti thi, to diya jalakar padhai karti thi.Kabhi kitabe purani hoti thi, lekin hausla naya tha.Har mushkil ke baad main aur mazboot hoti gayi.
Phir wo din aaya jiska mujhe intezar tha result ka din.Mere dil zor Zor se dhadak raha tha.Jaise hi maine apna result dekha, meri aankhon me aansu aa gaya lekin ye aansu Khushi ke the.
Maine bahut aacha rank laya tha.
Mujhe patna ke ek aache college me addmission mil gaya. Ye mere liye sapne ke such hone jaisa tha.Jab maine ye khabar papa ko di, unki aankhon me aansu aa gaya.Wo chup the, lekin unki Khushi unke chehre par saaf dikh rahi thi.
Us din hamare ghar me Khushi ka mahaul tha. Sab log mujhe badhai de rahe the.Gaav ke log bhi keh rahe the,
Dekho, kisan ki beti ne kamal kar diya!
Maa bhi bahut khush thi ab pahle se tabiyat thik thi. Unhone dheere se mere hath pakad aur kaha mujhe tum par Garv hai."
Lekin shayad meri Khushi zyada din tikne wali nahi thi
Patna jane ki taiyari shuru hui.Lekin ghar ki halat ab bhi utni achhi nahi thi,fees, rahne ka kharch, kitab sab kuch ek badi chunauti ban kar khada tha.
Ek raat maine papa ko chup chap baith kar hisab karte dekha.Unke chehre par tension saaf dikh rahi thi.Wo apne aap se hi keh rahe the, kaise hoga sab?
Maine pehli baar mehsoos kiya ki sapne poore karne ke liye sirf mehnat nahi balki paisa bhi zaruri hota hai
Us raat main so nahi payi. Mere dimag me bas ek hi sawal ghoom raha tha.
Kya main apna Sapna pura kar paungi ya majbooriyon ke aage haar maan loongi?
Yahi se mere sapno ka asli safar shuru hota hai
Kya main apne pariwar aur apne sapno ke beech sahi faisla kar paungi?
Maine haar nahi maanungi
Lekin meri Khushi zyada din nahi tikne wali thi
Zindagi ek aur pariksha lena vali thi"
Agar aapko story pasand aaye to follow karain aur support karain