Raat ka samay tha. Main ek shadi se ghar wapas ja rahi thi. Sadak bilkul khali thi, sirf halki hawa chal rahi thi aur duur kahin kutte bhonk rahe the.
Sab kuchh normal tha...jab tak maine use nhi dekha.
Ek ladka...sadak ke kinare khada tha.
Wo bas chupchap mujhe dekh raha tha.
Uski aankhon mein ek ajeeb si gahrai thi, jaise wo mujhe pehle se jaanta ho. Mera Dil ek pal ke liye ruk sa gaya main thodi ghabara gayi, isiliye bina kuchh kahe tez kadam badha kar wahan se nikal gayi.
Lekin bata nahin kyu...uska chehra mere dimaag se ja hi nhi raha tha...
Agli subah,jab main apne Bua ke ghar ja rahi thi,tab meri nazar phir se usi ladke par padi.
Is baar wo mere bilkul pass khada tha.
Main ruk gayi.
"Tum...?" mere muh se bas itna hi nikla.
Wo halka sa muskuraya.
"Lagta hai tum mujhe pahchan gai ho,"usne dheere se kaha.
Maine himmat karke puchha," tumhara naam kya hai?"
"Ajay..." usne jawab diya. " Aur tumhara?"
"Riya..."maine dheere se kaha.
Us pal kuchh ajeeb hua. Jaise waqt thoda ruk gaya ho. Uski aankho me dekhte hi mujhe ek ajeeb sa sukoon mehsoos hua.
Us din ke baad hum roz milne lage.
Pehle sirf baate hoti thi...phir hasi... aur dheere dheere,wo meri zindagi ka ek important hissa ban gaya.
Mujhe samajh hi nhi aaya kab main usse itna close ho gai...
Shayad...mujhe usse pyar ho gaya tha.
Lekin...
Ek sach aisa tha,jo Ajay mujhse chhupa raha tha.
Aur jab wo sach mere samne aaya.
To meri duniya hi badal gai
To be continued....