6 mahine beet gaye. Neha ab kaafi sambhal chuki thi. Aryan ke ghar walon ne Neha ko pasand kar liya tha aur dono ki engagement ki baat chalne lagi. Neha khush thi, par uske andar ek darr ab bhi tha—kya wo is khushi ki haqdaar hai?
Aryan ki maa ne ek din Neha ko ek purana kangan pehnate hue kaha, "Beta, tumne mere bete ki zindagi sanwar di hai.
Hume garv hai ki hamari bahu ek doctor hai."
Neha muskura toh di, par 'Doctor' shabd sunte hi use wahi purana khoon aur Golu ki cheekh yaad aa gayi. Usne socha tha ki wo apne ateet ko peeche chhod aayi hai, par use nahi pata tha ki uski engagement ke din koi aisa aane wala hai jo uske saare zakhmon ko kured kar sabke saamne rakh dega.