Chapter 11 — Ek Anjaani Jalan
Aaj kuch alag tha.
Hamid dukan par tha, lekin uska dhyaan baar-baar bahar ja raha tha.
Usne socha tha aaj shaam ko woh Arman se milega… lekin aaj Arman ka koi message nahi aaya.
"Shayad busy hoga," usne khud ko samjhaya.
Lekin dil nahi maan raha tha.
Shaam hone lagi. Aasman dheere-dheere andhera ho raha tha.
Aakhir Hamid ne khud hi Arman ko call kar diya.
Phone utha… lekin doosri taraf se Arman ki awaaz nahi aayi.
Ek ladki ki awaaz sunayi di.
"Hello?"
Hamid ek pal ke liye chup ho gaya.
"Arman…?" usne dheere se kaha.
"Woh abhi busy hai," ladki ne casual tone me kaha, "Main uski friend bol rahi hoon."
Call cut ho gaya.
Hamid kuch seconds tak phone ko dekhta raha.
Uske dil me ek ajeeb si feeling aayi…
jalan.
Usne kabhi aisa feel nahi kiya tha.
"Main kyun jealous feel kar raha hoon?" usne khud se pucha.
Us raat Hamid ne Arman ko message nahi kiya.
Lekin uska dimaag bas ek hi baat soch raha tha—
"Woh ladki kaun thi…?"