Chapter 12 — Dooriyan
Agli subah Hamid ne phone uthaya… lekin Arman ka koi message nahi tha.
Usne khud bhi message nahi kiya.
Dil chahta tha kare… par ego aur confusion usse rok rahe the.
"Kal us ladki ke saath busy tha… to aaj kyun message kare?" usne khud se kaha.
Dukan par kaam karte waqt bhi uska mood theek nahi tha.
Chhoti-chhoti baaton par irritate ho raha tha.
Shaam tak usne decide kar liya…
"Aaj main usse milne nahi jaunga."
Lekin dil fir bhi uska intezaar kar raha tha.
Shaam ke kareeb saat baje, uska phone vibrate hua.
Arman calling…
Hamid ne screen dekhi… par call receive nahi kiya.
Phone bajta raha… phir band ho gaya.
Kuch seconds baad ek message aaya:
"Sab theek hai?"
Hamid ne message dekha… par reply nahi kiya.
Uska dil keh raha tha reply karo…
par uska dimaag keh raha tha ignore karo.
Raat ho gayi.
Hamid bed par lete hue bas phone ko dekh raha tha.
Usse samajh nahi aa raha tha ki woh itna hurt kyun feel kar raha hai.
"Usne aisa kya kiya hai…?"
"Main itna react kyun kar raha hoon…?"
Par uske andar kahin na kahin woh jawab jaanta tha.
Kyuki Arman uske liye sirf ek dost nahi raha tha.
Aur shayad isi wajah se…
chhoti si baat bhi usse itna hurt kar rahi thi.