"Tum mujhe follow kar rahe ho… hai na?"
Woh aadmi dheere se muskuraaya।
Anmol ekdum jam gaya।
Uska dimaag kaam karna band ho gaya tha।
"Main… main…"
Woh kuch bol hi nahi pa raha tha।
Us aadmi ki aankhen bahut teekhi thi, jaise woh Anmol ke dimaag ke andar tak dekh raha ho.
"Relax…" usne halka sa haath uthate hue kaha, "Darne ki zarurat nahi hai."
Lekin Anmol ka darr kam nahi hua।
"Tum kaun ho…?" Anmol ne himmat karke poocha।
Woh aadmi dheere se hasa।
"Ye sawal to mujhe tumse poochna chahiye…"
Anmol aur confuse ho gaya।
"Main bas… yahan se ja raha tha…"
"Jhooth."
Ek hi shabd ne Anmol ko chup kar diya।
Kuch seconds ke liye dono ke beech sannata chha gaya।
Phir us aadmi ne zameen par rakha apna bag uthaya।
"Tumhe is bag me interest hai… hai na?"
Anmol ka dil zor se dhadakne laga।
"System ka mission…"
Usne mann hi mann socha।
Lekin woh aadmi jaise sab samajh raha tha।
"Interesting…"
Usne Anmol ke paas aakar dheere se kaha—
"Tum pehli baar ho na?"
Anmol shock me aa gaya।
"Pehli baar… kya?"
Woh aadmi seedha khada ho gaya।
"System user."
Anmol ke pairon tale zameen khisak gayi।
"Tumhe… system ke baare me kaise pata?"
Us aadmi ke chehre par ek confident smile aa gayi।
"Kyuki… main bhi ek system user hoon."
Anmol ki saanse ruk si gayi।
"Ye… ye kaise ho sakta hai…"
Ab tak Anmol soch raha tha ki woh akela hai।
Lekin ab…
"Matlab aur bhi log hain…?"
Woh aadmi dheere se uske aas paas ghoomte hue bola—
"Is duniya me tum akela nahi ho, Anmol ."
Anmol ka naam sunte hi woh aur bhi shock ho gaya।
"Tum mera naam bhi jaante ho…?"
Woh aadmi ruk gaya।
"System sab kuch batata hai…"
Phir usne apna bag Anmol ki taraf badhaya।
"Lo, ye bag le lo।"
Anmol ek second ke liye confuse ho gaya।
"Ye… itna easy?"
Usne dheere se bag pakda।
Jaise hi usne bag haath me liya—
System ki awaaz goonji:
"Mission Completed"
Anmol ke saamne blue screen aa gayi।
"Reward Credited: ₹50,000"
Uski aankhen shock se badi ho gayi।
"Sach me… complete ho gaya?"
Lekin uska dhyaan turant wapas us aadmi par gaya।
"Tumne itni aasani se bag kyu de diya?"
Woh aadmi halka sa hasa।
"Kyuki ye sirf ek test tha…"
Anmol ka chehra serious ho gaya।
"Test?"
"System tumhe check kar raha hai… ki tum kitna aage ja sakte ho…"
Anmol ke dimaag me hazaar sawal chalne lage।
"Matlab… ye sab planned tha?"
Woh aadmi dheere se uske paas aaya aur uski aankhon me dekhte hue bola—
"Ab asli game shuru hone wala hai…"
Anmol ka dil phir se tez dhadakne laga।
"Game…?"
"System sirf paise nahi deta… woh tumhe badalta hai…"
Usne peeche mudkar chalna shuru kiya।
"Jitna zyada tum aage badhoge…"
"Utna zyada khatra badhega…"
Anmol ne zor se poocha—
"Ruko! Tum kaun ho?"
Woh aadmi ruk gaya… lekin peeche nahi mudha।
Kuch seconds ke baad usne dheere se kaha—
"Abhi ke liye… mujhe 'Player 07' keh sakte ho…"
Aur phir woh dheere dheere gali ke andhere me gayab ho gaya।
Anmol wahi khada reh gaya…
Uske haath me bag tha…
Aur dimaag me sirf ek hi baat ghoom rahi thi—
"Main akela nahi hoon…"
Tabhi system ka naya message flash hua—
"New Mission Unlocked…"
Anmol ne dheere se screen ki taraf dekha…
Aur jo usne padha… usne uski saanse rok di—
"Target: Player 07"
Notice: next chapter kal raat 9 pm