Gali me gehra sannata tha।
Anmol wahi khada tha, haath me black bag pakde hue।
Uska dimaag abhi bhi shock me tha।
"Main akela nahi hoon…"
Ye line baar baar uske dimaag me ghoom rahi thi।
Player 07…
Ek aur system user…
Aur ab… system ne use target bana diya tha।
Anmol ne dheere se apni mutthi kas li।
"Ye sab itna simple nahi hone wala…"
Tabhi uske saamne phir se wahi blue screen appear hui।
" NEW MISION DEATAILED LOADED "
Anmol ne gehri saans li aur screen ki taraf dekha।
Mission: Track Player 07 aur uski asli identity ka pata lagao।
Reward: ₹1,00,000
Anmol ki aankhen phir se badi ho gayi।
"Ek lakh…?"
Lekin is baar uske chehre par excitement ke saath saath tension bhi tha।
"Ye sirf paise ka game nahi hai…"
Screen par next line blink hui—
Warning: Target is experienced system user
Anmol ka gala sookh gaya।
"Experienced… matlab woh mujhse zyada powerful hai…"
Usne aas paas dekha, lekin Player 07 kahin nazar nahi aa raha tha।
"Woh itni jaldi gayab kaise ho gaya…"
Anmol ne turant decision liya।
"Sabse pehle mujhe is bag ko check karna hoga…"
Woh ek kone me gaya aur dheere se bag khola।
Jaise hi zip khuli, uska dil zor se dhadakne laga।
Andar kya hoga…?
Paise?
Ya koi dangerous cheez?
Usne dheere se bag ke andar dekha…
Aur shock me peeche hat gaya।
"Andar… sirf ek file hai?"
Anmol ne file nikali।
Us par bada sa likha tha—
"Confidential"
Usne dheere se file kholi।
Jaise hi usne pehla page dekha…
Uski saanse ruk gayi।
Us page par ek photo chipki hui thi।
Aur woh photo… Anmol ki thi।
"Y-ye kya…"
Uske haath kaanpne lage।
File ke andar uski puri details thi—
Naam: Anmol
Age: 19
Location: City Hospital
Anmol ka dimaag ghoom gaya।
"Ye sab… kisi ke paas kaise ho sakta hai…?"
Tabhi usse Player 07 ki baat yaad aayi—
"System sab kuch batata hai…"
Anmol ka chehra serious ho gaya।
"Matlab… main bhi kisi ke system ka target ho sakta hu…"
Usne turant file band kar di।
Ab situation uske control se bahar ja rahi thi।
"Yahan rukna safe nahi hai…"
Woh tezi se gali se bahar nikla।
Sadak par normal bheed thi, lekin Anmol ko har insaan ab suspicious lag raha tha।
"Kaun hai jo mujhe track kar raha hai…?"
Usne apna phone nikala।
Balance check kiya—
₹60,000
Usne gehri saans li।
"Paise mil rahe hain… lekin price kya hai…?"
Tabhi uske phone par ek unknown message aaya।
Screen par likha tha—
"Stop digging… warna tum survive nahi kar paoge."
Anmol ka dil ekdum ruk gaya।
"Ye message kisne bheja…?"
Usne turant idhar udhar dekha।
Log apne kaam me busy the।
Koi uski taraf dekh bhi nahi raha tha।
Lekin phir bhi…
Usse lag raha tha koi use dekh raha hai।
Har jagah se।
Anmol ne apne aap se kaha—
"Ab darrne ka time nahi hai…"
Usne apni mutthi kas li।
"Ab mujhe bhi strong banna padega…"
Tabhi system ki awaaz phir se goonji—
"Side Mission Available…"
Anmol ne turant screen ki taraf dekha।
Side Mission: Apni strength badhane ke liye 10 push-ups complete karo।
Reward: Skill Unlock
Anmol thoda confuse hua।
"Skill…?"
Lekin is baar usne bina soche turant push-ups karne start kar diye।
1…
2…
3…
Uska sharir abhi bhi weak tha, lekin is baar uske andar ek naya determination tha।
"Main ab weak nahi reh sakta…"
10 push-ups complete hote hi screen flash hui—
"Skill Unlocked: Basic Strength Boost"
Anmol ne apne sharir me ek ajeeb si energy feel ki।
Jaise uski body thodi strong ho gayi ho।
"Ye system sirf paise nahi… power bhi de raha hai…"
Uski aankhon me ab darr ki jagah ek nayi chamak thi।
"Player 07…"
"Main tujhe dhoondh ke rahunga…"
Tabhi uske phone par ek aur message aaya—
"Agar sach jaan na hai… to aaj raat 11 baje purane bridge par aa jana."
Anmol ka dil phir se tez dhadakne laga।
"Ye trap bhi ho sakta hai…"
Lekin usne bina soche decide kar liya—
"Main jaunga…"
Usne aasman ki taraf dekha।
Suraj dheere dheere dhal raha tha।
Aur raat… ek naya khatra lekar aane wali thi।