Aryan ko pass hi ke ek sarkari hospital me le jaya gaya , jaha hospital ke staff ne saaf mana kar diya , ki Aryan ka ilaaj yaha nahi ho sakta , kunki hospital me puri suvidha na hone or doctors na hone ki vajah se sirf , kuch marham Patti or injections dekhr ,bhej diya gaya .
Jiske baad aas paas ke sabhi najdeek hospitals me Aryan ko le jaya jata hai . Pr koi fayda nahi hota kunki , har jagah na hi is tarah ka case pahle aya tha , or doctors sirf itna kah Rahe the ki , vo sirf Aryan ka haath kaat kar , uski marham Patti kar sakte hai . Pr unke paas koi aisa surgen nahi jo ki Aryan ki Kati hui ungliyo ko fir se jod paaye .
Har taraf se naakami or niraashaa milne pr bhi kisi ne haar nahi maani . Sab apni taraf se har mumkin koshish kar rahe the !
Ab 3 ghante ho aaye the. Aryan ki halat bigadne lagi thi . Vo baar baar hosh me ata or fir behosh ho jata . Ab situation bigadne lagi thi .
Jaha se ummid nazar aati , vahi se nirasha haath lagti .
Ke tabhi achanak Aryan ke tau ji ka phone aya . Phone par Aryan ke tau ji ," maine Jaipur ke ek hospital me baat kar li hai , location bhej raha hu , jaldi vaha pahucho , mai bhi ata hu "!!
Sabko ek ummid nazar aai , Aryan jis gaadi me tha , uska kaam abhi bacha tha , Aryan kojaldi hi Jaipur ke ek jaane maane hospital me le jaya gaya !
Jaha uske pahuchte hi doctors or staff ne turant operation start kar diya. Kunki vaha pahle hi Aryan ke tauji ne sab bta rakha tha .
Operation shuru hua , lagbhag 8 ghante operation chala ..
8 ghante baad doctors or surgen aaye , or unhone Aryan ke theek halat ke baare me sabko bataya .
At the same time , Aryan ke babuji ko bhi bta diya gaya tha , to vo operation ke time hospital me pahuch gaye .
Ab Aryan ke babuji ,itna kamate nahi the , or apni saari jamapunji unhone jitna hospital ka bil bhara ja sakta tha , unme laga di .
Jeb me na ek rupay , na ek footi Kaudi .
Ab Aryan ke babuji ko bhi chinta hone lagi , ki poora bill vo kaise bharenge !
Mahaj hospital ka bill kuch 70 hazar aya tha , or unki jamapunji kuch 50 hazar thi , jo unhone sab laga di.
Ab Aryan ke babuji ye soch hi rahe the ki vo kya kare , kaha se paiso ka intejaam kare , kaise sab manage hoga ke tabhi !!!
Phone ki ring bajti hai ," sun, maine 25 hazar rupay bhej diye hai, or chahiye to khul kar bta dena , Aryan sirf tera beta nahi , vo mera bhi bete jaisa hai " !!
Sun kar Aryan ke babuji ke aankhe nam ho gai , kunki vo call unke jigari dost Chandra prakash ka tha !
Aryan ke babuji ki jaan me jaan aai !
10 din beete , Aryan ko hospital se chhutti mili , Aryan or uske maa - babuji bus se ghar aaye !
Ek mahine nikal gaya , uski haath par bandhi Patti khuli or fir kuch hafte baad Aryan vapas school jaane laga !
Pr beete dino ki ghatna ne , uske dimaag pr kuch aisa asar dala ke , ek bachha jo class me 1st rank pr ata tha ,ab vo 2nd ya 3rd par aa gaya !
Or kunki Aryan ke babuji ne bhi koi achhi company dhoondh li thi , ab ghar me sab theek chal raha tha.
....Kuch saal beete !
Ab Aryan kaafi bada ho aya tha , or 8th class me padhta tha , saal beeta , exams aaye !
Usne exams me B grade haasil ki !
Or shuru hua uske ghar me uska majak ban na , Ghar se sabhi logo ne usko uske result se baatein boli ,
Vo pahla aisa time tha jab usse bohot bura laga !
Usne sab suna , bohot roya , uske ghar ke sabhi logo ki over expectations, ne us din se usse sabhi ki tarah , life ki alag race me bhaagne ko majboor kar diya !