Mera naam Sudhanshu hai. May chhote sahar me rahne wale ek middle class family se hu. Hamara ghr bahut bara nahi tha lekin usme rahne wale logo ke sapne bahut bare the. Papa majduri karte the aur maa Ghar sambhalti thi. Mahine ki suruaat me Ghar me thori rahat hoti thi,lekin jaise-jaise mahine ka aakhri hafta aata Ghar ki rasoi Papa ki Jeb aur Maa ki aankhon ki chinta---tino saf dikhai dene lagti thi.
Bachpan mein mujhe yah sab samajh nahin aata tha mujhe Bus itna pata tha ki mere dost naye cycle chalate,the unke pass mange jute the aur mere pass har sal vahi ek Jodi jute hoti Thi jise maa polish karke naya jaisa banaa deti Thi main Aksar sochta tha ki Bhagwan Ne mujhe aisi jindagi kyon Di Hai.
Main School jata tha lekin padhaai mein Mera Man Kam aur dikhave mein jyada lagta tha class mein Jin bacchon ke pass naya bag, mangha pen ya chamakdar ghadi Hoti Main unhen dekhkar jalta tha dhire-dhire mere andar ek Ajeeb Si kami mahsus hone lagi mujhe lagne Laga ki Main dusre se kam hu.
Ek din school mein mere sabse acche dost Saurav Ne naya mobile laya us samay hamare liye mobile hongi Kisi khajane Se Kam nahin thi Puri class uske aas-paas ghoom rahi thi main bhi uske pass gaya lekin usne mujhe sirf 2 minute ke liye mobile pakdane Diya use din pahli bar mujhe laga ki mere pass kuchh bhi nahin Hai.
Us Sham Ghar Aakar Maine Papa Se kaha mujhe bhi mobile chahie.
Papa Ne Meri taraf dekha aur halki muskan ke sath bole abhi tumhari umrar padhne ki hai beta mobile ki nahin lekin mujhe unka jawab samajh nahin aaya mujhe laga papa Jaan bujh Kar Meri har Khushi chhin lete Hain gusse mein maine khana nahin khaya maa Kai bar manati Rahi lekin main kamre mein jakar let Gaya us Raat Maine pahli bar papa ke liye apne man me galat baate sochi.
Agale din Maine school mein jhooth bol diya ki mere Ghar per bhi naya phone aane Wala Hai kuchh Dinon Tak Apne dosto se yahi baat kahta Raha lekin ek hafte bad bhi mobile nahin aaya to sab Mera majak udane Lage mujhe bahut bura laga us din main school se ghar aaya aur gusse mein apna bag fenk Diya.
Maa ne puchha, "kya hua?"
May chillakar bola, "aap log mere liye kuchh nahi kar sakte. May hamesa dushri se pichhe kyu rahu?"
Maa chup ho gyi. Unki ankho me aashu the, lekin unhone kuchh nahin kaha. Us samay mujhe laga ki main Sahi hun lekin Aaj sochta Hun to lagta Hai ki us din Maine apni Maa ka Dil Tod Diya tha.
Dhire-dhire main galat sangat mein padhne Laga kuchh ladke the Jo school ke bad idhar udhar ghumte the padhaai chhodkar bekar ki baten karte The mujhe lagta tha ki vahi log sabse jyada "cool" Hai Main bhi unke Sath Rahane Laga Maine padhaai se duri banaa Li Ghar per jhooth bolna shuru kar diya kabhi kahta ki extra class Thi kabhi kahta ki dost ki tabiyat kharab thi.
Asal mein Main apna samay un logon ke sath barbad kar raha tha, jinhen Meri zindagi se koi matlab nahin tha.
Ek din school mein exam ka result aaya Main fail ho gaya tha pahli bar Meri copy per bade Akshar mein likha tha ---"FAIL". Puri class mujhe dekh rahi thi kuchh log Hans rahe the mujhe Laga Jaise jameen fat jaaye aur Main usmein Sama jaaun.
Ghar jaate samay mere kadam bahut Bhari the mujhe dar lag raha tha ki Papa kya kahenge. Lekin jab Main Ghar pahuncha to dekha ki papa darvaje per Khade Hain Shayad school se unhen pale hi khabar mil chuki thi.
Maine socha ki aaj bahut dant padegi. Shayad maar bhi pare lekin Papa ne sirf itna kaha, " chalo, andar aao."
Main chupchap andar Chala Gaya Papa Ne mere samne result Rakha aur bole "beta, agar tum har Gaye Ho, to hamen dukh nahin Hai dukh is baat ka hai ki tumne koshish hi nahin ki."
Unki awaaz mein gussa nahin tha. bus Dard tha. vahi Dard Jo ek pita apni ummid tutane per mahsus karta hai.
Use Raat Maine pahli bar Apne kamre ki khidki Se Bahar dekhte hue khud Se sawal Kiya ---kya main sach mein itna galat ho gaya hun?
Kuchh Dinon bad ek ghatna Hui jisne Meri soch Badal Di.
Papa ki tabiyat Achanak kharab ho gai unhen aspataal Le Jana pada vahan doctor ne kaha ki unhen bahut jyada Tanav aur kamjori hai. maa aspataal ke bahar baithi ro rahi thi main pahli bar unhen itna tuta hua dekh raha tha.
Usi samay mahine Maa Ko kahate Suna," yah aadami Puri jindagi bacchon ke liye bhagata Raha, aur bacche inhen hi galat samajhte Rahe."
Unki baat sunkar Main andar Se Kaap Gaya mujhe yad aane Laga ki kaise papa har mahine apne liye nayi kapde nahin kharidte the, taki Meri fees Bhar sake kaise maa apne liye nai Sadi nahin leti Thi taki mere liye kitaben a jaaye, kaise ghar mein sabji kam pad jaati thi lekin Meri plate kabhi Khali nahin rahti thi.
Aur main? May unhi logo se shikayat Karta Raha.
Use din pahli bar mujhe apni galtiyon ka ehsas hua mujhe samajh aaya ki middle class family mein pyar hamesha shabdho mein nahin dikhta kabhi-kabhi vah Papa ki fati Hui shirt mein chhipa hota Hai, kabhi Maa ke purane chappal mein, kabhi us ek roti mein jo maa khud nahin khati taki bacche kha saken.
Use Raat mein aspataal ke bahar baitha bahut Roya. Shayad pahli bar apne liye nahin, Apne mata-pita ke liye.
Jab papa Ghar wapas Aaye, to Maine unse kaha, "papa, mujhe maaf kar dijiye."
Papa muskurae aur bole, "galtiyan har Koi Karta Hai beta, lekin jo Insan samay rahte samajh jaaye, vahi aage badhta hai."
Unki baat mere Dil mein utar gai.
Uske bad Maine apni zindagi badalne ki than Li. Maine un doston ka Sath chhod diya, jo mujhe galat raste per le ja rahe the. Maine fir se padhaai shuru ki. shuruaat mein bahut mushkil Hui. log majak udate the. Kahte the, "ab padhaai karega?" lekin is bar Maine Kisi ki nahin Suni.
Main roj subah jaldi uthata, padhaai Karta, Maa ke kam mein madad Karta aur sham ko Papa ke sath baithkar baten Karta. pahli bar mujhe mahsus hua ki mere Ghar wale sirf mere liye jite Hain.
Dheere-dheere Mera result sudharne Laga. agale exam mein Main pass ho Gaya. Fir acche number Aaye. us din jab Maine apna report card papa ke hath mein Diya, to unki aankhon mein chamak thi. maa Ne pahli bar mujhe gale Laga kar rote hue kaha, "Mera beta samajhdar Ho Gaya."
Lekin zindagi sirf padhaai se nahin badalti. Zindagi tab badalti Hai, jab Insan Apne andar ki soch badalta Hai.
Aaj bhi jab Main Kisi bacche ko Apne mata-pita se chhoti-chhoti baton per ladte hue dekhta hun, to mujhe apna Bachpan yad aata hai. mujhe lagta hai ki Kash, Koi mujhe pahle samjha deta ki Jin chijon ke piche main bhag Raha tha, vah kuchh sal bad bekar lagne wali thi. Lekin Jin logon Ko Main najar Andaaz kar raha tha vahi Meri zindagi ki Sabse Badi Daulat the.
Ham Bachpan mein Aksar galti karte hain. hamen lagta hai ki hamare mata-pita hamen samajhte nahin. hamen lagta Hai ki duniya ki Sabse Badi pareshani yah hai ki hamare pass Manga mobile nahin Hai acchi bike nahin Hai, ya dusron jaisa style nahin Hai. Lekin jab Ham bade hote hain tab samajh aata hai ki asali Kami chijon ki nahin Thi, Samaj ki thi.
Aaj mere pass Shayad vah sab kuchh nahin Hai, Jo Main Bachpan mein chahta tha. lekin mere pass Apne mata-pita ka Bharosa Hai. unka pyar Hai. unki dua hai. aur Sach Mano, duniya ki koi bhi Daulat ine chijon Se Bari nahin Hoti.
Agar Tum bhi Apne bachpan ke kisi galti Ko yad karke Aaj pachta Rahe Ho, to khud Ko dosh mat do. har Insan galtiyan karta hai lekin koshish karo ki un galtiyon se kuchh sikho. Apne mata-pita Ko samjho. unke tyag ko mahsus karo. kyunki ek din Aisa bhi aaega, jab tum bahut kuchh khareed paoge... lekin Shayad vah samay wapas nahin khareed paoge, jab tumhare maa- papa tumhare liye Bina kuchh soche sab kuchh chhod dete the.
Aur Shayad yahi ek middle class bacche ki Sabse Badi kahani hoti hai---vah der se samajhta Hai, Lekin jab samajhta Hai to Puri zindagi Badal jaati Hai.
To guys Kaisa tha Mera Bachpan comment mein jarur bataen...