Chapter 8 — Pehli Baar Dar
Agle din Hamid dukan par tha, lekin uska dhyaan kaam me bilkul nahi lag raha tha.
Uske dimaag me baar-baar Arman ki baatein ghoom rahi thi.
"Har baat akela feel karna zaroori nahi hota…"
Usse pata nahi kyun, lekin Arman ke saath woh apne aap ko zyada real feel karta tha.
Shaam ko jab Arman usse mila to dono usual chai shop par baith gaye.
Arman ne mazaak me pucha,
"Aaj itne serious kyun ho?"
Hamid ne bas halka sa muskura diya.
"Bas… thoda thak gaya hoon."
Arman ne uski aankhon me dekha aur bola,
"Hamid, tum jab jhoot bolte ho na… tab bhi pata chal jata hai."
Hamid ek pal ke liye chup ho gaya.
Usse laga jaise Arman uske dil tak dekh raha ho.
Usne nazar jhuka li.
Us waqt uske dimaag me ek hi khayal tha—
"Ya Allah… agar Arman ko kabhi pata chal gaya ki main kya feel karta hoon… to kya hoga?"
Us khayal ne uske dil me pehli baar sach me darr paida kar diya.