Chapter 5 – Dosti Jo Alag Lagi
Us din ke baad Hamid aur Arman ki mulaqatein badhne lagi.
Kabhi chai ki shop par, kabhi sadak par chalte hue… kabhi bas yun hi baith kar baatein karte hue.
Ek shaam Arman ne pucha,
"Hamid, tum itne chup kyun rehte ho?"
Hamid ne halka sa kandhe uchka diya.
"Bas… aadat hai."
Arman hans pada.
"Par tum sunte achhe ho. Aaj kal log sunte kam hain."
Yeh sun kar Hamid ko ajeeb sa achha feel hua.
Jaise kisi ne pehli baar uski khamoshi ko bhi notice kiya ho.
Raat ko ghar jaate waqt Hamid ke dimaag me ek hi khayal tha.
"Arman alag kyun lagta hai?"
Aur shayad usse thoda sa darr bhi lag raha tha…
kyunki uske dil me jo feeling dheere-dheere badh rahi thi…
woh sirf dosti nahi lag rahi thi.